A1News.am-Meta (Facebook) ընկերությունը գործարկել է Horizon Worlds հավելվածը՝ սոցիալական VR հարթակ, որը թույլ է տալիս ընկերների հետ շփվել վիրտուալ տարածքում, հայտնել է CNBC հեռուստաալիքը։
Դրա մասին առաջին անգամ հայտարարվել է 2019 թվականին, բայց հավելվածը հասանելի է եղել միայն բետա տարբերակով Oculus VR օգտատերերի ընտրված խմբի համար, որոնք ստացել են հրավերներ:
Նշվում է, որ Horizon Worlds-ը հասանելի կլինի ԱՄՆ-ի 18 տարեկանից բարձր բոլոր բնակիչներին։ Oculus VR-ի օգտատերերը կկարողանան ստեղծել առանց ոտքերի ավատար՝ ուսումնասիրելու Meta-ի ստեղծած աշխարհը, ինչպես նաև տարբեր համայնքների տարածքները:
Բացի ավատարների միջոցով այլ օգտատերերի հետ շփվելու հնարավորությունից, Horizon Worlds-ում կարելի է խաղալ այնպիսի խաղեր, ինչպիսին է Arena Clash-ը:
