A1News.am-Bellingcat-ի հետաքննող լրագրող Խրիստո Գրոզևը Ուկրաինա 24-ի եթերում հայտնել է, որ Ռուսաստանի Դաշնությունը դիտարկում է Ուկրաինայի դեմ միջուկային զենք կիրառելու հնարավորությունը, եթե չհաջողվի գրավել Կիեւը, տեղեկացնում է ՈՒՆԻԱՆ-ը։
Նրա խոսքով՝ ՌԴ պաշտպանության նախարար Սերգեյ Շոյգուն ներկայում թաքնվում է Ուֆայի մերձակայքում գտնվող գաղտնի բունկերում։ Այս մասին են վկայում օդանավերի թռիչքների տվյալները։
Լրագրողը պնդել է, որ Ռուսաստանը նախապես կթաքցնի ռազմական և քաղաքական ղեկավարությանը, եթե իրականում քննարկի միջուկային սցենարը։ Գրոզևի խոսքով՝ Պուտինն ինքը թաքնվում է մեկ այլ բունկերում, որը գտնվում է Ուրալից այն կողմ։
Ավելի վաղ, զլմ-ները հայտնել էին, որ ՌԴ ռազմա-քաղաքական ղեկավարությանը սպասարկող օդային ջոկատը ղեկավարության էվակուացիայի զորավարժություններ է անցկացրել։
