A1News.am-Չորեքշաբթի օրը՝ ապրիլի 20-ին, Պլեսեցկի տիեզերակայանում հաջողությամբ փորձարկված «Սարմատ» միջմայրցամաքային բալիստիկ հրթիռը կստիպի մտածմունքի մեջ ընկնել նրանց, ովքեր փորձում են սպառնալ Ռուսաստանին:
Այս մասին հայտարարել է ՌԴ նախագահ Վլադիմիր Պուտինը՝ մեկնաբանելով արձակման արդյունքները, փոխանցում է ՏԱՍՍ-ը։
«Այս իսկապես եզակի զենքը կամրապնդի մեր զինված ուժերի մարտական ներուժը, հուսալիորեն կապահովի Ռուսաստանի անվտանգությունը արտաքին սպառնալիքներից և կստիպի մտածել նրանց, ովքեր կատաղի, ագրեսիվ հռետորաբանությամբ բորբոքված փորձում են սպառնալ մեր երկրին»,- ասել է պետության ղեկավարը։
Նա հավելել է, որ «Սարմատ»-ի նմանակներ աշխարհում չկան և դեռ երկար ժամանակ չեն լինի, ինչպես նաև շնորհավորել է ռուս զինվորականներին հաջող արձակման կապակցությամբ։ Պուտինի խոսքով՝ այս իրադարձությունը նշանակալից է երկրի բանակի համար։
