A1News.am-Ռուսաստանի նախագահ Վլադիմիր Պուտինը Եվրախորհրդի ղեկավար Շառլ Միշելի հետ զրույցում վերահաստատել է իր դիրքորոշումը Ուկրաինայի առաջնորդ Վլադիմիր Զելենսկու հետ հանդիպման վերաբերյալ։ Պուտինն ընդգծել է, որ ամենաբարձր մակարդակով բանակցություններն ուղղակիորեն կախված են Մոսկվայի և Կիևի պատվիրակությունների աշխատանքի կոնկրետ արդյունքներից։
«ՌԴ նախագահը վերահաստատել է իր հայտնի դիրքորոշումն այս հարցում՝ նշելով, որ նման հնարավորությունը կախված է, մասնավորապես, Ռուսաստանի և Ուկրաինայի ներկայացուցիչների միջև ընթացող բանակցությունների կոնկրետ արդյունքներից», — ասվում է Կրեմլի հայտարարության մեջ։
Սակայն Պուտինը Միշելին ասել է, որ այս բանակցությունների ընթացքում Կիևը «անհետևողականություն է ցուցաբերում և պատրաստ չէ փոխադարձ ընդունելի լուծումներ փնտրել»։
Հիշեցնենք, որ մարտի 29-ին տեղի ունեցավ Ռուսաստանի և Ուկրաինայի պատվիրակությունների չորրորդ դեմ առ դեմ հանդիպումը, բանակցությունների վայր ընտրվեց Ստամբուլը։ Զրույցը տեւել է մոտ երեք ժամ։
Ավելի ուշ ՌԴ նախագահը հայտարարեց, որ բանակցությունները փակուղի են մտել Կիևի պատճառով։
