A1News.am-Ռուսական հարձակումը Դոնբասում կարծես թե «լռվել» է, և տարածաշրջանի համար պայքարը կավարտվի 2-4 շաբաթից, ասում է բրիտանացի ռազմական փորձագետը: «Ըստ էության, ռուսների զորքերը կսպառվեն, իսկ ուկրաինացիներն արդեն պատրաստվում են հակահարձակման»,- ասում է Մայք Մարտինը՝ Լոնդոնի Քինգս քոլեջի պատերազմի ուսումնասիրության գիտաշխատող, տեղեկացնում է BBC-ն:
Նրա կարծիքով, ռուսներն արդեն բաց են թողել տարածաշրջանը գրավելու իրենց միակ հնարավորությունը։
Մարտինն ասում է, որ Բրիտանիայի հայտարարությունն այն մասին, որ Ուկրաինային արևմտյան օգնության նպատակն է ռուսական զորքերը դուրս մղել երկրից, ներառյալ Ղրիմը, նշանավորում է ռազմավարական լուրջ փոփոխություն:
Միաժամանակ, փորձագետը կարծում է, որ Մեծ Բրիտանիայի արտաքին գործերի նախարար Լիզ Թրասը սխալվել է, երբ ասել է, որ դա կարող է տևել 10 տարի։ Նրա գնահատմամբ՝ մինչ այդ ռուսական ուժերը կփլուզվեն, և միգուցե Ռուսաստանում հեղաշրջում տեսնենք։
Վաշինգտոնի կողմից Ուկրաինային 33 միլիարդ դոլար հատկացնելը մտադրության շատ հստակ ազդանշան է, ասել է Մարտինը:
