Ռուսաստանը պատժամիջոցներ է սահմանել Բայդենի, նրա որդու, Բլինքենի, Քլինթոնի և ամերիկյան այլ պաշտոնյաների դեմ

A1News.am-Ռուսաստանն անձնական պատժամիջոցներ է սահմանել ԱՄՆ նախագահ Ջո Բայդենի, ինչպես նաև այլ բարձրաստիճան պաշտոնյաների դեմ, հայտնում է ՌԴ ԱԳՆ-ն։

Հայտարարության մեջ մասնավորապես ասվում է, որ ի պատասխան մի շարք աննախադեպ պատժամիջոցների, որոնք, ի թիվս այլնի, արգելում են Ռուսաստանի Դաշնության բարձրաստիճան պաշտոնյաների մուտքը Միացյալ Նահանգներ, այս տարվա մարտի 15-ից փոխադարձության կարգով Ռուսաստանի «արգելված ցուցակում» են հայտնվում հետևյալ անձինք.

1. Ջոզեֆ Բայդեն (Joseph Robinette Biden), ԱՄՆ նախագահ,

2. Էնթոնի Բլինքեն (Anthony John Blinken), ԱՄՆ պետքարտուղար,

3. Լլոյդ Օսթին (Lloyd James Austin III), ԱՄՆ պաշտպանության նախարար,

4. Մարք Միլի (Mark Alexander Milley), Շտաբերի պետերի միացյալ կոմիտեի նախագահ,

5. Ջեյքոբ Սալիվան (Jacob Jeremiah Sullivan) - ԱՄՆ նախագահի ազգային անվտանգության գծով օգնական,

6. Ուիլյամ Ջոզեֆ Բըրնս (William Joseph Burns) - ԿՀՎ տնօրեն,

7. Ջենիֆեր Փսաքի (Jennifer Rene Psaki) - Սպիտակ տան մամուլի քարտուղար,

8. Դեյփ Սինգհ (Daleep Singh) - ԱՄՆ նախագահի ազգային անվտանգության գծով օգնականի տեղակալ,

9. Սամանտա Ջեյն Փաուեր (Samantha Jane Power)- Միջազգային զարգացման գործակալության տնօրեն,

10. Հանթեր Բայդեն (Robert Hunter Biden) - ԱՄՆ նախագահի որդին,

11. Հիլարի Քլինթոն (Hillary Diane Rodham Clinton) - ԱՄՆ նախագահի նախկին թեկնածու,

12. Ադեվեյլ Ադեյեմո (Adewale Adeyemo) - ֆինանսների նախարարի առաջին տեղակալ,

13. Ռետա Ջո Լյուիս (Reta Jo Lewis) - Արտահանման-ներմուծման բանկի նախագահ և տնօրենների խորհրդի նախագահ: