A1News.am-Պերուի հյուսիսում 7,3 մագնիտուդով երկրաշարժ է տեղի ունեցել, ավելի ուշ դրա մագնիտուդը հասել է 7,5-ի: Այս մասին հայտնում է Եվրոպական-միջերկրածովյան սեյսմոլոգիական կենտրոնը։
Աղբյուրի տվյալներով՝ էպիկենտրոնը գտնվում էր Բարանկա քաղաքից 45 կմ հյուսիս-արևմուտք (բնակչությունը՝ շուրջ 5 հազար մարդ) և Էկվադորի Լոհա քաղաքից 269 կմ արևելք (բնակչությունը ՝ մոտավորապես 117 հազար մարդ): Օջախը գտնվել է 110 կմ խորության վրա:Ավերածությունների և տուժածների մասին տեղեկություններ չկան: Ցունամիի սպառնալիք չի հայտարարվել։