A1News.am-Թուրքիայի պաշտպանության նախարար Հուլուսի Աքարը հայտարարել է, որ Անկարան ուշադիր հետևում է Ռուսաստանի և Ուկրաինայի միջև լարված իրադրությանը և հանդես է գալիս տարածաշրջանում կայունության պահպանման օգտին։
«Մենք տարածաշրջանների համար առանձին քաղաքականություն չունենք, մենք կողմ ենք խաղաղությանը։ Ուշադիր հետևում ենք ՌԴ և Ուկրաինայի միջև լարվածությանը, ցանկանում ենք, որպեսզի տարածաշրջանում պահպանվի կայունությունը։ Մենք մեր հարգանքն ենք ցուցաբերել Ուկրաինայի տարածքային ամբողջականության նկատմամբ», Huriyyet գործակալության փոխանցմամբ՝ ասել է Աքարը:
