A1News.am-ԱՄՆ Ֆլորիդա նահանգում որսորդը սպանել է մոտ չորս մետր երկարությամբ և ավելի քան 400 կիլոգրամ կշռող 80-ամյա ալիգատորին, որը սնվել է տեղի ֆերմերների անասուններով, հայտնում է Daily Mail-ը։
Որսորդ Դագ Բորիսը նախկինում որսի և ձկնորսության ինը համաշխարհային ռեկորդ է սահմանել: Այս անգամ նա հսկայական ալիգատոր է սպանել։
Որսորդի ընկերը պատմել է նրան ալիգատորի մասին, որը տասնամյակներ ապրել է լճում։ Տեղի բնակիչները պատմել են, որ իրենց անասունները անհետանում են, ինչը նշանակում է, որ կենդանիներին կերել է ալիգատորը։
Դագ Բորիսը հետևել է ալիգատորին Օկեչոբի շրջանի լճում: 500 մետր հեռավորության վրա գտնվող որսորդը կրակել է ալիգատորի վրա և դիպել գլխին։
«Ես չէի պատկերացնում, թե որքան մեծ է նրա մարմինը, մինչև որ մենք նրան ամբողջությամբ դուրս հանեցինք լճից: Ալիգատորին կասկածում էին, որ նա կերել է լճի շրջակայքում գտնվող տեղի անասուններից, և դա համարվում էր սպառնալիք», - ասել է որսորդը:
Երբ ալիգատորը բարձրացրել են լճի հատակից, նրա չափերը ապշեցրել են բոլորին։
