A1News.am-Աֆղանստանի տարածքից հարձակման արդյունքում պակիստանցի զինվոր է սպանվել, հայտնել են պակիստանցի զինվորականները, փոխանցում է «Սինհուա»-ն:
«Ահաբեկիչները կրակ են բացել Պակիստանի ռազմական դիրքի ուղղությամբ սահմանի աֆղանական կողմից Պակիստանի հյուսիս-արեւմուտքում գտնվող Խայբեր-Պախթունխվա նահանգի Հյուսիսային Վազիրիստան շրջանում», - նշվում է հայտարարության մեջ: «Պակիստանյան զորքերը համարժեք պատասխան են տվել, փոխհրաձգության արդյունքում զոհվել է մեկ զինվոր»:
Նաեւ նշվում է, որ Պակիստանը բազմիցս խնդրել է Աֆղանստանին արդյունավետ կառավարում եւ վերահսկողություն ապահովել պակիստանա-աֆղանական սահմանի իր կողմում:
«Պակիստանը խստորեն դատապարտում է աֆղանական հողի շարունակական օգտագործումն ահաբեկիչների կողմից Պակիստանի դեմ գործունեության համար», - ասվում է հայտարարության մեջ:
